POWER SAMACHARA | KANNADA NEWS | BREKING NEWS| 11-07-2023..
ಅಮರನಾಥ ಯಾತ್ರೆಯಲ್ಲಿ ಕೊಚ್ಚಿ ಹೋಗ್ತಿವಾ ಅನ್ನೋ ಭಯ ಕಾಡಿತ್ತು: ಉಳಿದು ಬಂದಿದ್ದೆ ರೋಚಕ..!
ದಾವಣಗೆರೆ: ಅಮರನಾಥ ಯಾತ್ರೆಗೆ ತೆರಳಿದ್ದವರು, ಅಕ್ಷರಶ ನಲುಗಿ ಹೋಗಿದ್ದಾರೆ, ಹೊರ ಬರಲಾರದೇ ಸಿಕ್ಕಿಕೊಂಡು ನರಳಾಟ ಅನುಭವಿಸಿದ್ದಾರೆ, ದಾವಣಗೆರೆಯಿಂದಲೂ ನಾಲ್ಕು ಜನ ಮಹಿಳೆಯರು ಹೋಗಿದ್ದು, ಪವಾಡ ಸದೃಶ್ಯವಾಗಿ ವಾಪಾಸ್ ಬಂದಿದ್ದಾರೆ..
ದಾವಣಗೆರೆಯ ಯಾತ್ರಿಗಳು ಸುರಕ್ಷಿತವಾಗಿ ದಾವಣಗೆರೆ ಸೇರಿದ್ದು, ದಾವಣಗೆರೆಯ ವಿವಿಧ ಬಡಾವಣೆಯ ಎನ್ ಆರ್ ಗೀತಾ, ಸಿಹೆಚ್ ಚಂದ್ರಿಕಾ, ಬಿಜಿ ಪುಷ್ಪಾ, ಎಸ್ ವಿ ಉಷಾರಾಣಿ ಈ ನಾಲ್ಕು ಜನ ಮಹಿಳೆಯರು ದಾವಣಗೆರೆಯಿಂದ ಜೂನ್ 30 ರಂದು ಅಮರನಾಥ ಯಾತ್ರೆಗೆ ಹೋಗಿದ್ದರು.. ಜುಲೈ 6 ರಂದೇ ಅಮರನಾಥ ದರ್ಶನ ಮುಗಿಸಿ ಬೇಸ್ ಕ್ಯಾಂಪ್ ಗೆ ತೆರಳಿದ್ದರು. ಅವರು ಅಮರನಾಥ ನ ದರ್ಶನ ಪಡೆದು ವಾಪಸ್ಸು ಬಂದು ಎರಡು ಗಂಟೆಯಲ್ಲಿ ಅಮರನಾಥದಲ್ಲಿ ಪ್ರತಿಕೂಲ ಹವಾಮಾನ ಸ್ಥಿತಿ ಉಂಟಾಗಿದೆ, ಯಾತ್ರೆಯಲ್ಲಿ ಸಾಕಷ್ಟು ಜನರು ಸಿಲುಕಿದ್ದು, ನಾವು ದೇವರ ದಯೆಯಿಂದ ಸುರಕ್ಷಿತವಾಗಿ ವಾಪಸ್ಸು ಬಂದಿದ್ದೇವೆ ಎಂದಿದ್ದಾರೆ.
ಅಲ್ಲಿನ ಆರ್ಮಿಯವರು ಹಾಗೂ ಅಲ್ಲಿನ ದೇವಸ್ಥಾನದ ಅಡಳಿತ ಮಂಡಳಿಯವರು ಸಾಕಷ್ಟು ಸಹಾಯ ಮಾಡಿದ್ದು ಅವರಿಗೆ ಧನ್ಯವಾದ ಹೇಳಬೇಕು.. ಅದರಲ್ಲೂ ನಾವು ದರ್ಶನ ಮುಗಿಸಿ ಬೇಗಾ ವಾಪಸ್ಸು ಬಂದಿದ್ದಕ್ಕೆ ಸುರಕ್ಷಿತವಾಗಿ ಬಂದಿದ್ದೇವೆ ಸ್ವಲ್ಪ ಲೇಟ್ ಮಾಡಿದ್ದರು ಅಲ್ಲೇ ಸಿಕ್ಕಿ ಕೊಳ್ಳಬೇಕಿತ್ತು ಎಂದು ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ..
