POWER SAMACHARA | KANNADA NEWS | BREKING NEWS| 28-05-202
ದಾವಣಗೆರೆ : ದಾವಣಗೆರೆಯಲ್ಲಿ ಎಲ್ಲರಿಗೂ ಚಿರಪರಿಚಿತನಾಗಿದ್ದ ಆರ್ ಟಿಐ ಕಾರ್ಯಕರ್ತ ಹರೀಶ್ ಹಳ್ಳಿ ಅನುಮಾನಸ್ಪದವಾಗಿ ಸಾವನ್ನಪ್ಪಿದ್ದಾರೆ..
ದಾವಣಗೆರೆ ತಾಲ್ಲೂಕಿನ ತೋಳಹುಣಸೆ ಬ್ರಿಡ್ಜ್ ಬಳಿ ಆರ್ ಟಿ ಐ ಕಾರ್ಯಕರ್ತ ಹರೀಶ್ ಹಳ್ಳಿ(40) ಅನುಮಾನಸ್ಪದ ಸಾವನ್ನಪ್ಪಿದ್ದು, ಇದು ಕೊಲೆ ಎಂದು ಹರೀಶ್ ಪತ್ನಿ ದಾವಣಗೆರೆ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ..
ಗಾಂಧಿನಗರ ಪಿಎಸ್ ಐ ಕೃಷ್ಣಪ್ಪ ಮತ್ತು ದೇವರಾಜ್, ಇರ್ಷದ್ ಮೇಲೆ 302ಪ್ರಕರಣ ದಾಖಲಿಸಿದ್ದು, ಈ ಕೊಲೆ ಹಿಂದೇ ಸೈಟ್ ಮಾಲೀಕ ಬಾಬುರಾವ್ ಇದ್ದಾರೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ..
ಕೊಲೆಯೋ.?, ಅವಘಡವೋ..?
ದಾವಣಗೆರೆ ಗಾಂಧಿನಗರ ಪೊಲೀಸ್ ಠಾಣೆಯಲ್ಲಿ ಹರೀಶ್ ಹಳ್ಳಿ ಮೇಲೆ ವಂಚನೆ ಪ್ರಕರಣ ದಾಖಲಾಗಿತ್ತು, ನಕಲಿ ದಾಖಲೆಗಳನ್ನು ಸೃಷ್ಟಿಸಿ 3 ನಿವೇಶನಗಳನ್ನು ಅಕ್ರಮವಾಗಿ ರಿಜಿಸ್ಟರ್ ಮಾಡಿಸಿಕೊಂಡಿದ್ದಾರೆ ಎಂಬ ಆರೋಪ ಕೇಳಿ ಬಂದಿತ್ತು..
ಈ ಸಂಬಂಧ ಕಳೆದ ರಾತ್ರಿ ಪೊಲೀಸರು ಬಂಧಿಸಿ ಕರೆತರುವಾಗ, ತಪ್ಪಿಸಿಕೊಳ್ಳುವ ಯತ್ನದಲ್ಲಿ ತೋಳಹುಣಸೆ ಸಮೀಪ ಪ್ಲೈ ಓವರ್ ಮೇಲಿಂದ ಬಿದ್ದು, ತಲೆಗೆ ಬಲವಾದ ಪೆಟ್ಟು ಬಿದ್ದು ದಾವಣಗೆರೆ ಖಾಸಗಿ ಆಸ್ಪತ್ರೆ ಸೇರಿದ್ದ ಹರೀಶ್ ಹಳ್ಳಿ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ ಎಂದು ತಿಳಿದು ಬಂದಿದೆ..
ಎಸ್ಪಿ ಅರುಣ್ ಅವರ ಜೊತೆ ಸಂಬಂಧಿಕರ ವಾಗ್ವಾದ
ಇನ್ನೂ ಹರೀಶ್ ಹಳ್ಳಿ ಅವರನ್ನ ಕೊಲೆ ಮಾಡಿ ತಂದು ಹಾಕಲಾಗಿದೆ ಎಂದು ಹರೀಶ್ ಅವರ ತಂದೆ ಸೇರಿದಂತೆ ಸಂಬಂಧಿಕರು ಆರೋಪ ಮಾಡಿದ್ದು, ಈ ಸಂಬಂಧ ಪೊಲೀಸರನ್ನ ಈ ಕೂಡಲೇ ಬಂಧಿಸಿ, ಹರೀಶ್ ತಪ್ಪು ಮಾಡಿದ್ದರೆ ಜೈಲಿಗೆ ಹಾಕಬೇಕಿತ್ತು, ಆದರೆ ಕೊಲೆ ಮಾಡಿ ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ಸ್ಥಳಕ್ಕೆ ಆಗಮಿಸಿದ್ದ ಎಸ್ಪಿ ಅರುಣ್ ಅವರ ಜೊತೆ ವಾಗ್ವಾದಕ್ಕೆ ಇಳಿದಿದ್ದರು..
ಏನಿದು ಸೈಟ್ ವಿವಾದ..?
ದಾವಣಗೆರೆ ಜಿಲ್ಲೆ, ಚನ್ನಗಿರಿ ತಾಲೂಕಿನ ಕಣವಿ ಬಿಳಚಿ ಗ್ರಾಮದ ನಿವಾಸಿ ಜಯ ಶ್ರೀ ಎಂಬುವರ ಕೋಟ್ಯಂತರ ರೂಪಾಯಿ ಆಸ್ತಿ ಅವರಿಗೆ ಗೊತ್ತಿಲ್ಲದೆ ಬೇರೆಯವರ ಹೆಸರಿಗೆ ರಿಜಿಸ್ಟರ್ ಆಗಿದೆ ಎಂಬ ಆರೋಪ ಕೇಳಿ ಬಂದಿತ್ತು, ದಾವಣಗೆರೆ ನೋಂದಣಿ ಇಲಾಖೆಯ ಹಿರಿಯ ಉಪ ನೋಂದಣಾಧಿಕಾರಿ ಆರ್.ಎಲ್. ವೀಣಾ ಮತ್ತು ಆರ್.ಟಿ.ಐ ಕಾರ್ಯಕರ್ತ ಎಚ್.ಆರ್.ಹರೀಶ್ ಸೇರಿ ಕೋಟ್ಯಾಂತರ ರೂಪಾಯಿ ಬೆಲೆಬಾಳುವ ಆಸ್ತಿ ಲಪಟಾಯಿಸಿದ್ದಾರೆ ಅನ್ನೋ ಆರೋಪ ಕೇಳಿ ಬಂದಿತ್ತು, ಜಯಶ್ರೀ ಎಂಬುವರಿಗೆ ದಾವಣಗೆರೆ ನಗರದ ಆವರಗೆರೆಯಲ್ಲಿ 30*40 ಅಳತೆಯ ಮೂರು ಸೈಟ್ ಇದ್ದವು. ಅವುಗಳನ್ನು ಎಚ್.ಆರ್.ಹರೀಶ್, ನೋಂದಣಾಧಿಕಾರಿ ಆರ್.ಎಲ್ ವೀಣಾ ನಕಲಿ ದಾಖಲೆಗಳನ್ನು ಸೃಷ್ಟಿಸಿ ಎಚ್.ಆರ್.ಹರೀಶ್ ಹೆಸರಿಗೆ ಸೈಟ್ ಗಳನ್ನು ನೋಂದಣಿ ಮಾಡಿಕೊಂಡಿದ್ದಾರೆ. ಅನಾಮಿಕ ಮಹಿಳೆ ಆಧಾರ್ ಕಾರ್ಡ್ ಕೂಡ ಜಯಶ್ರೀ ಎಂದು ತಿದ್ದಿ, ನಕಲಿ ಸಹಿ ಮಾಡಿ ಅಕ್ರಮವೆಸಗಿದ್ದಾರೆ ಎಂದು ಜಯಶ್ರೀ ಅವರ ಪತಿ ಕೆ.ಬಾಬುರಾವ್ ದಾವಣಗೆರೆಯಲ್ಲಿ ಆರೋಪ ಮಾಡಿದ್ದರು..
ಈ ಪ್ರಕರಣದಲ್ಲಿ ಆರ್.ಟಿ.ಐ ಕಾರ್ಯಕರ್ತ ಹರೀಶ್ ತಮ್ಮ ಹೆಸರಿಗೆ ಸೈಟ್ ನೋಂದಣಿ ಮಾಡಿಕೊಂಡಿದ್ದರು. ಅಕ್ರಮ ಬೆಳಕಿಗೆ ಬರುತ್ತಿದ್ದಂತೆ ಹರೀಶ್ ನೋಂದಣಿಯನ್ನು ಕ್ಯಾನ್ಸಲ್ ಮಾಡಿಸಿದ್ದಾನೆ. ನೋಂದಣಿ ಕ್ಯಾನ್ಸಲ್ ಮಾಡಿಸಲು ಆ ಅನಾಮಿಕ ಮಹಿಳೆ ಬರಬೇಕಿತ್ತು. ಆದ್ರೆ, ಆ ಅನಾಮಿಕ ಮಹಿಳೆಯಿಂದ ಬೇರೆಯವರ ಹೆಸರಿಗೆ ಜಿಪಿಎ ಮಾಡಿಸಿ ನೋಂದಣಿ ರದ್ದು ಮಾಡಿಸಿದ್ದಾರೆ. ಈ ಪ್ರಕರಣದಲ್ಲಿ ನೋಂದಣಾಧಿಕಾರಿ ವೀಣಾ, ಆರ್.ಟಿ.ಐ. ಕಾರ್ಯಕರ್ತ ಹರೀಶ್ ಹಳ್ಳಿ ಸೇರಿ ಐದು ಜನರ ವಿರುದ್ಧ ಗಾಂಧಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿತ್ತು.
