POWER SAMACHARA | KANNADA NEWS | 06-05-2023
ದಾವಣಗೆರೆ: ರಾಜ್ಯ ವಿಧಾನಸಭೆ ಚುನಾವಣೆ ಇನ್ನೇನು ಕೆಲ ದಿನಗಳು ಮಾತ್ರ ಉಳಿದಿದೆ, ಈ ಹಿನ್ನಲೆ ಅಭ್ಯರ್ಥಿಗಳು ಅಬ್ಬರದ ಪ್ರಚಾರದಲ್ಲಿ ತೊಡಗಿದ್ದಾರೆ, ದಾವಣಗೆರೆ ಉತ್ತರ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಮಾಜಿ ಸಚಿವ ಎಸ್ ಎಸ್ ಮಲ್ಲಿಕಾರ್ಜುನ್ ಅಬ್ಬರದ ಪ್ರಚಾರ ನಡೆಸಿದ್ದು ಯುವ ಮತದಾರರ ಮೇಲೆ ಕೇಂದ್ರಿಕರಿಸಿದ್ದಾರೆ..
ಯುವ ಮುಖಂಡ ಪ್ರಭು ನೇತೃತ್ವದಲ್ಲಿ ಬೃಹತ್ ಬೈಕ್ ರ್ಯಾಲಿ
ದಾವಣಗೆರೆ ನಗರದ ಹಳೇ ಕುಂದುವಾಡಕ್ಕೆ ಪ್ರಚಾರಕ್ಕೆಂದು ಎಸ್ ಎಸ್ ಮಲ್ಲಿಕಾರ್ಜುನ್ ಆಗಮಿಸುತ್ತಿದ್ದರು, ಈ ವೇಳೆ ಮಧ್ಯೆ ದಾರಿ ಕುಂದುವಾಡ ಕೆರೆ ರಸ್ತೆಯಿಂದ ಯುವ ಮುಖಂಡ ಪ್ರಭು ನೇತೃತ್ವದಲ್ಲಿ ನೂರಾರು ಯುವಕರು ಬೈಕ್ ರ್ಯಾಲಿ ಮೂಲಕ ಮಲ್ಲಿಕಾರ್ಜುನ್ ಅವರನ್ನ ಗ್ರಾಮಕ್ಕೆ ಕರೆ ತಂದರು, ಅದರಲ್ಲೂ ವಿಶೇಷವಾಗಿ ಪ್ರಭು ಅವರಿದ್ದ ಬುಲೆಟ್ ಬೈಕ್ ನಲ್ಲಿ ಎಸ್ ಎಸ್ ಮಲ್ಲಿಕಾರ್ಜುನ್ ಆಗಮಿಸಿದ್ದು ವಿಶೇಷವಾಗಿತ್ತು..
ಇನ್ನೂ ಈ ಸಂದರ್ಭದಲ್ಲಿ ಮಾತನಾಡಿದ ಎಸ್ ಎಸ್ ಮಲ್ಲಿಕಾರ್ಜುನ್, ಬೈಕ್ ರ್ಯಾಲಿ ಮೂಲಕ ತಮಗೆ ಆತ್ಮೀಯ ಸ್ವಾಗತ ನೀಡಿದ್ದಕ್ಕೆ ಯುವಕರಿಗೆ ಕೃತಜ್ಞತೆ ಸಲ್ಲಿಸಿದರು, ಈ ಬಾರಿ ನಿಮ್ಮ ಅಭಿಮಾನದ ಓಟನ್ನು ಕಾಂಗ್ರೆಸ್ ನ ಹಸ್ತದ ಗುರುತಿಗೆ ನೀಡುವ ಮೂಲಕ ನಮಗೆ ಆಶೀರ್ವಾದ ಮಾಡಬೇಕೆಂದು ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಕಾಂಗ್ರೆಸ್ ಪಕ್ಷದ ಮುಖಂಡರು, ಕಾರ್ಯಕರ್ತರು, ಯುವಕರು ಇದ್ದರು…
