ಬೆಣ್ಣೆನಗರಿಯಲ್ಲಿ 16 ಸಾವಿರ ಆಟೋ ಚಾಲಕರ ಪರಿಸ್ಥಿತಿ ಅಯೋಮಯ..! ಯಾಕೆ ಗೊತ್ತಾ..?

POWER SAMACHARA | KANNADA NEWS | BREKING NEWS| 13-06-2023

ದಾವಣಗೆರೆ: ಕಾಂಗ್ರೆಸ್ ಪಕ್ಷ ಚುನಾವಣೆಗೂ ಮುನ್ನ ಘೋಷಣೆ ಮಾಡಿದಂತೆ ಶಕ್ತಿ ಯೋಜನೆ ಜಾರಿ ಮಾಡಿದ್ದು, ಮಹಿಳೆಯರು ಖುಷಿ ಖುಷಿಯಾಗಿ ಬಸ್ ನಲ್ಲಿ ಫ್ರೀಯಾಗಿ ಪ್ರಯಾಣ ಮಾಡ್ತಿದ್ದಾರೆ, ಆದರೆ ಈ ಯೋಜನೆಯಿಂದ ಕೆಲವರ ಬದುಕು ಬೀದಿಗೆ ಬರುವಂತೆ ಆಗಿದೆ, ಸರ್ಕಾರಿ ಬಸ್ ಫ್ರೀ ಇರೋದ್ರಿಂದ ದಾವಣಗೆರೆಯಲ್ಲಿ ಮಹಿಳೆಯರು ಆಟೋವನ್ನೆ ಹತ್ತುತ್ತಿಲ್ಲ, ಇದರಿಂದ ಆಟೋ ಚಾಲಕರ ಸ್ಥಿತಿ ಮೂರಾಬಟ್ಟೆಯಾಗುವ ಲಕ್ಷಣ ಎದುರಾಗಿದೆ..

ಆಟೋದವರ ದುಡಿಮೆಗೆ ಪೆಟ್ಟು

Related posts

ಹಳೇ ಕುಂದುವಾಡದಲ್ಲಿ ಶ್ರೀ ಮೈಲಾರ ಲಿಂಗೇಶ್ವರ ದೇವರ ಬೆಳ್ಳಿ ಮೂರ್ತಿ ಪ್ರತಿಷ್ಠಾಪನೆ.. ಎಂಡಿ ಅಂಡ್ ಸನ್ಸ್ ನಿಂದ ಬೆಳ್ಳಿ ಮೂರ್ತಿ ಸಮರ್ಪಣೆ..

November 15, 2024

ದಾವಣಗೆರೆ ಬಾರ್ ನಲ್ಲಿ ಭೀಕರ ಕೊಲೆ, ಭಯಾನಕ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆ..!

September 21, 2024

ಹೌದು.. ಆಟೋಗಳಲ್ಲಿ ಮಹಿಳೆಯರು ಪ್ರಮುಖ ಪ್ರಯಾಣಿಕರಾಗಿದ್ದರು, ನಗರದ ವಿವಿಧೆಡೆ ತೆರಳಲು ಬಸ್ ಗಾಗಿ ಕಾಯದೇ ಆಟೋ ಅವಲಂಭಿಸಿದ್ದರು, ಇದರಿಂದ ಆಟೋ ಚಾಲಕರ ಬದುಕು ಹಸನಾಗಿತ್ತು, ನಿತ್ಯ ಒಂದರಿಂದ ಎರಡು ಸಾವಿರ ದುಡಿಮೆ ಮಾಡುತ್ತಾ ಇದ್ದರು, ಆದರೆ ಶಕ್ತಿ ಯೋಜನೆಯಿಂದ ಆಟೋದವರ ದುಡಿಮೆಗೆ ಪೆಟ್ಟು ಬಿದ್ದಿದೆ, ಶಕ್ತಿ ಯೋಜನೆಯಿಂದ ಮಹಿಳೆಯರಿಗೆ ಅನುಕೂಲ ಆಗಿರೋದು ನಿಜವೇ ಆದರೂ ಆಟೋದವರ ಬದುಕು ದುಸ್ಥರವಾಗಿದೆ, ಮಹಿಳೆಯರು, ವಿದ್ಯಾರ್ಥಿನಿಯರು ಯಾರು ಸಹ ಆಟೋದಲ್ಲಿ ಸಂಚರಿಸುತ್ತಿಲ್ಲ, ಬದಲಾಗಿ ಸರ್ಕಾರಿ ಬಸ್ ನ್ನೆ ಅವಲಂಭಿಸುತ್ತಿದ್ದಾರೆ, ಇದರಿಂದ ಆಟೋ ಚಾಲಕರು ನಷ್ಠದ ಸುಳಿಗೆ ಸಿಲುಕುತ್ತಾ ಇದ್ದಾರೆ..

500 ರೂಪಾಯಿ ದುಡಿಯೋದು ಕಷ್ಟ ಆಗಿದೆ

ನಿತ್ಯ ಒಂದು ಸಾವಿರದಿಂದ ಎರಡು ಸಾವಿರ ರೂಪಾಯಿ ದುಡಿತಾ ಇದ್ದೇವು, ಈಗ 500 ರೂಪಾಯಿ ದುಡಿಯೋದು ಕಷ್ಟ ಆಗಿದೆ, ಕೊರೊನಾ ಸಮಯದಲ್ಲೂ ದುಡಿಮೆ ಹಾಳಾಗಿತ್ತು, ಈಗ ಮತ್ತದೇ ಸಂಕಷ್ಠ ಎದುರಾಗಿದೆ, ಹೀಗೆ ಆದರೆ ಆಟೋ ಮಾರಾಟ ಮಾಡಬೇಕಾಗುತ್ತದೆ ಅಥವಾ ವಿಷ ಕುಡಿಯೋ ಪರಿಸ್ಥಿತಿ ಎದುರಾಗುತ್ತದೆ, ದಾವಣಗೆರೆಯಲ್ಲಿ ಸುಮಾರು 15ರಿಂದ 16 ಸಾವಿರ ಆಟೋಗಳಿವೆ, ಸರ್ಕಾರ ಬಡ ಆಟೋ ಚಾಲಕರ ಬಗ್ಗೆ ಕನಿಕರ ತೋರಬೇಕು ಅಂತಾ ಆಟೋ ಚಾಲಕರು ಅಳಲು ತೋಡಿಕೊಂಡಿದ್ದಾರೆ..

ಆಟೋದವರಿಗೆ ವಿಶೇಷ ಪ್ಯಾಕೇಜ್ ಘೋಷಣೆ ಮಾಡಿ

ಒಟ್ಟಾರೆ ಶಕ್ತಿ ಯೋಜನೆಯಿಂದ ಮಹಿಳೆಯರಿಗೆ ಅನುಕೂಲ ಆಗಿದೆ ನಿಜ, ಆದರೆ ಆಟೋ ಚಾಲಕರಿಗೆ ಸಂಕಷ್ಠ ಎದುರಾಗಿದೆ, ಯಾವುದೇ ಯೋಜನೆ ಜಾರಿ ಮಾಡುವ ಮುನ್ನ ಸಾಧಕ ಬಾಧಕ ಚರ್ಚೆ ಮಾಡಬೇಕು, ಆದರೆ ಈ ಬಗ್ಗೆ ಸರ್ಕಾರ ತಲೆಕೆಡಿಸಿಕೊಂಡಿಲ್ಲ, ಇನ್ನಾದರು ಆಟೋ ಚಾಲಕರ ನೆರವಿಗೆ ಸರ್ಕಾರ ನಿಲ್ಲಬೇಕಿದೆ, ಜೊತೆಗೆ ವಿಶೇಷ ಪ್ಯಾಕೇಜ್ ಘೋಷಣೆ ಮಾಡಿ ಎಂದು ಆಟೋದವರು ಅಳಲು ತೋಡಿಕೊಂಡಿದ್ದಾರೆ..