POWER SAMACHARA | KANNADA NEWS | BREKING NEWS| 31-10-2023..
ದಾವಣಗೆರೆ: ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರಕ್ಕೆ ಸಂಪೂರ್ಣ ಬಹುಮತ ಇದ್ದರು ಸಹ ಆಪರೇಷನ್ ಭೀತಿ ಎದುರಾಗಿದ್ರೆ, ಅದರ ಜೊತೆಗೆ ಬಣ ರಾಜಕೀಯದಿಂದ ಕೈ ಪಕ್ಷ ನಲುಗುತ್ತಿದೆ, ಈ ಹಿಂದೇ ಆಪರೇಷನ್ ಕಮಲ ಮೂಲಕ ಮೈತ್ರಿ ಸರ್ಕಾರವನ್ನ ಕೆಡವಿದ್ದ ಟೀಮ್, ಮತ್ತೆ ಆಪರೇಷನ್ ಗೆ ಕೈ ಹಾಕಿದ್ಯಾ ಅನ್ನೋ ಸ್ಪೋಟಕ ವಿಷಯ ಬಹಿರಂಗಗೊಂಡ ಬೆನ್ನಲ್ಲೆ ಆರೋಪ ಪ್ರತ್ಯಾರೋಪಗಳು ಕೇಳಿ ಬರುತ್ತಿದ್ದು, ಡಿಕೆಶಿ, ಸಿದ್ದು ಬಣ ಖುರ್ಚಿ ಕಾದಾಟ ನಡೆಸಿದೆ..
ಡಿಕೆಶಿ ಮಾಜಿ ಆಗಲ್ಲ ಮುಖ್ಯಮಂತ್ರಿ ಆಗ್ತಾರೆ; ಶಿವಗಂಗಾ..
ಹೌದು.. ಕಾಂಗ್ರೆಸ್ ಮತ್ತು ಜೆಡಿಎಸ್ ಮೈತ್ರಿ ಸರ್ಕಾರವನ್ನ 14 ತಿಂಗಳಿಗೆ ಆಪರೇಷನ್ ನಡೆಸಿ ಪತನಗೊಳಿಸಿದ್ದು ರಾಜ್ಯ ರಾಜಕೀಯದಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಠಿಸಿತ್ತು, ಅದಾದ ಬಳಿಕ ಬಿಜೆಪಿ ಅಧಿಕಾರದ ಗದ್ದುಗೆ ಏರಿತ್ತು. ಈ ಭಾರೀ 135ಕಾಂಗ್ರೆಸ್ ಶಾಸಕರು ದಿಗ್ವಿಜಯ ಸಾಧಿಸಿ ಸಿದ್ದರಾಮಯ್ಯ ಸಿಎಂ ಆಗಿದ್ದಾರೆ, ತುಂಬಿದ ಸರ್ಕಾರ ಇದ್ರೂ ಸಹ ಸರ್ಕಾರಕ್ಕೆ ಟೆನ್ಶನ್ ಮೇಲೆ ಟೆನ್ಶನ್ ಎದುರಾಗ್ತಿದೆ, ಒಂದೆಡೆ ಬೆಳಗಾವಿ ರಾಜಕಾರಣ ಭುಗಿಲೆದ್ದಿದ್ದು ಇನ್ನೂ ತಣ್ಣಗಾಗಿಲ್ಲ, ಈ ನಡುವೆ ಡಿಕೆಶಿ ಸಿಎಂ ಆಗ್ತಾರೆ, ಆಗಲ್ಲ, ಡಿಕೆಶಿಗೆ ಸಿಬಿಐ ಉರುಳಿನಿಂದ ಸರ್ಕಾರ ಡೋಲಾಯಮಾನ ಸ್ಥಿತಿಗೆ ತಲುಪುತ್ತಿದೆಯಾ ಅನ್ನೋ ಅನುಮಾನ ವ್ಯಕ್ತವಾಗಿತ್ತು.. ಇವೆಲ್ಲದರ ನಡುವೆ ಆಪರೇಷನ್ ಕಮಲ ಮತ್ತೆ ಸಂಚಲನ ಮೂಡಿಸಿತ್ತು, ಬಳಿಕ ಬಾಂಬ್ ಸಿಡಿಸಿದ್ದ ರಮೇಶ್ ಜಾರಕಿಹೊಳಿ, ಡಿಕೆಶಿ ಶೀಘ್ರದಲ್ಲೆ ಮಾಜಿ ಮಂತ್ರಿ ಆಗುತ್ತಾರೆ ಎಂದು ಸಂಚಲನ ಮೂಡಿಸಿದ್ರು, ಇದಕ್ಕೆ ದಾವಣಗೆರೆಯಲ್ಲಿ ಕೌಂಟರ್ ಕೊಟ್ಟಿರುವ ಡಿಕಿಶಿ ಆಪ್ತ, ಚನ್ನಗಿರಿ ಶಾಸಕ ಶಿವಗಂಗಾ ಬಸವರಾಜ್, ಡಿಕೆಶಿಯವರನ್ನು ಮಾಜಿ ಮಾಡೋಕೆ ಹೇಗೆ ಸಾಧ್ಯ, ಕಳೆದ ಸಮ್ಮಿಶ್ರ ಸರ್ಕಾರದಲ್ಲಿ ಸಂಖ್ಯೆ ಕಡಿಮೆ ಇದ್ದ ಹಿನ್ನಲೆ ಬೆಂಕಿ ಹಚ್ಚುವ ಕೆಲಸ ಮಾಡಿದ್ರು ಆಗ ಸರ್ಕಾರ ಕೆಡವಿದರು ಈಗ ಅದು ಆಗೋದಿಲ್ಲ, ನಾವೆಲ್ಲ 136 ಜನ ಕಾಂಗ್ರೆಸ್ ಶಾಸಕರು ಒಗ್ಗಾಟಾಗಿ ಇದ್ದೇವೆ, ರಮೇಶ್ ಜಾರಕಿಹೊಳಿ ಆಟ ಈ ಸಾರಿ ನಡೆಯೋದಿಲ್ಲ. ನಮ್ಮಲ್ಲಿ ಯಾವುದೇ ಅಸಮಧಾನ ಇಲ್ಲ, ಒಗ್ಗಟ್ಟಾಗಿ ಕೆಲಸ ಮಾಡ್ತಿವಿ, ಡಿಕೆಶಿಯವರು ಮಾಜಿ ಮಂತ್ರಿ ಆಗೋದಿಲ್ಲ, ಸಿಎಂ ಆಗ್ತಾರೆ ಎಂದು ಭವಿಷ್ಯ ನುಡಿದಿದ್ದಾರೆ..
ಸಿಎಂ ಸೀಟ್ ಖಾಲಿ ಇಲ್ಲ, ಇನ್ನೂ 5 ವರ್ಷ ಸಿದ್ದುನೇ ಸಿಎಂ; ಜಮೀರ್
ಎರಡು ವರ್ಷ ಬಳಿಕ ಡಿಕೆಶಿ ಸಿಎಂ ಆಗ್ತಾರೆ ಎಂದು ಯುವ ಶಾಸಕರಾದ ಶಿವಗಂಗಾ ಬಸವರಾಜ್, ಗಾಣಿಗ ರವಿ ಹೇಳಿಕೆ ನೀಡಿದ್ರು, ಈ ಹೇಳಿಕೆ ಭಾರೀ ಚರ್ಚೆಗೆ ಕಾರಣವಾಗಿತ್ತು, ಸಿದ್ದರಾಮಯ್ಯನವರೇ ಐದು ವರ್ಷ ಮುಂದುವರೆಯುತ್ತಾರೆ, ಡಿಕೆಶಿ ಸಿಎಂ ಆಗ್ತಾರೆ ಎಂದು ಪರ ವಿರೋಧ ಕಿತ್ತಾಟ ಜೋರಾಗಿದೆ, ಈ ಮಧ್ಯೆ ಸಿದ್ದರಾಮಯ್ಯ ಆಪ್ತ ಸಚಿವ ಜಮೀರ್ ಅಹ್ಮದ್, ಸಿಎಂ ಸೀಟ್ ಖಾಲಿ ಇಲ್ಲ, ಇನ್ನು 5 ವರ್ಷ ಸಿದ್ದುನೇ ಸಿಎಂ ಎಂದು ಸಿದ್ದರಾಮಯ್ಯ ಪರ ಬ್ಯಾಟ್ ಬೀಸಿದ್ದಾರೆ. ಆಪರೇಷನ್ ಕಮಲ ಅಸಾಧ್ಯ, ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ಹಗಲು ಕನಸು ಕಾಣ್ತಿದ್ದಾರೆ, ಬಿಜೆಪಿ ಶಾಸಕರು ಕಾಂಗ್ರೆಸ್ ಗೆ ಬರಲು ಒಂದೇ ಕಾಲಿನಲ್ಲಿ ನಿಂತಿದ್ದಾರೆ, ಮೊದಲು ಅವರ ಬಗ್ಗೆ ಗಮನ ಹರಿಸಲಿ, ಸಿಎಂ ಸೀಟ್ ಖಾಲಿ ಇಲ್ಲ, 5 ವರ್ಷ ಸಿದ್ದುನೇ ಸಿಎಂ ಎಂದು ದಾವಣಗೆರೆಯಲ್ಲಿ ಜಮೀರ್ ಹೇಳಿಕೆ ನೀಡಿದ್ದಾರೆ..
ಒಟ್ಟಾರೆ ಕಾಂಗ್ರೆಸ್ ನಲ್ಲಿ ಒಂದಿಲ್ಲೊಂದು ರಾಜಕೀಯ ಬೆಳವಣಿಗೆಗಳು ಆಗುತ್ತಲೇ ಇದೆ, ಇತ್ತ ಆಪರೇಷನ್ ಕಮಲ ಭೀತಿಯಿಂದ ಕೈ ನಲುಗಿದೆ, ಈ ಮಧ್ಯೆ ಸತೀಶ್ ಜಾರಕಿಹೊಳಿ ಪ್ರವಾಸ ವಿಚಾರ, ರಮೇಶ್ ಜಾರಕಿಹೊಳಿ ಬಾಂಬ್ ರಾಜಕೀಯ ಚರ್ಚೆಗೆ ಗ್ರಾಸವಾಗಿದ್ದು, ಇತ್ತ ಸಿಎಂ ಖುರ್ಚಿ ಕಿತ್ತಾಟ ಎಲ್ಲಿಗೆ ಬಂದು ತಲುಪುತ್ತೋ ಕಾದು ನೋಡ್ಬೇಕಿದೆ..