POWER SAMACHARA | KANNADA NEWS | BREKING NEWS| 26-11-2023..
ದಾವಣಗೆರೆ: ಅವರು ಶೋಷಿತರ ಪಾಲಿನ ಗಟ್ಟಿ ಧ್ವನಿ, ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವ ಹೃದಯವಂತ. ಕೊರೊನಾ ಸಂಕಷ್ಟದ ವೇಳೆಯಲ್ಲಿ ನೊಂದವರಿಗೆ ನೆರವಾದ ಕರುಣಾಮಯಿ. ಎಲ್ಲರೊಟ್ಟಿಗೂ ಅನೋನ್ಯ ಬಾಂಧವ್ಯ ಹೊಂದಿರುವ ಸೃಜನಶೀಲ ಹಾಗೂ ಮಮತೆಯ ಮಮಕಾರದ ಸಹೃದಯಿ, ಸಾಮಾಜಿಕ ಕಾರ್ಯಗಳ ಮೂಲಕ ಎಲ್ಲರ ಮೆಚ್ಚುಗೆಗೆ, ಜನಪ್ರಿಯತೆಗೆ ಪಾತ್ರವಾಗಿರುವ ಹೋರಾಟಗಾರ ಬೆಣ್ಣೆನಗರಿಯ ಬಾಡದ ಆನಂದರಾಜು ಅವರಿಗೆ 51ರ ಹರೆಯದ ಸಂಭ್ರಮ… ಬಡ ಕುಟುಂಬದಲ್ಲಿ ಹುಟ್ಟಿ ನೊಂದು ಬೆಂದು ಬಳಿಕ ನಿರಂತರವಾಗಿ ಶೋಷಿತರಿಗೆ ಬೆಳಕಾಗಿ ನಿಂತಿರುವ ಬಾಡದ ಆನಂದರಾಜ್ ಅವರ ಹೋರಾಟದ ಬದುಕಿನ ಸಂಪೂರ್ಣ ಸ್ಟೋರಿ ಇಲ್ಲಿದೆ..
ಪ್ರಿಯ ವೀಕ್ಷಕರರೇ ರಟ್ಟೆ ಒಳಗೆ ಶಕ್ತಿ ಇದ್ದವನು, ಹಣ ಇದ್ದ ಧನಿಕ ಎಂದಿಗೂ ದೊಡ್ಡ ವ್ಯಕ್ತಿಯಾಗಲು ಸಾಧ್ಯವೇ ಇಲ್ಲ. ಪ್ರತಿಯೊಬ್ಬರ ಕಷ್ಟ ಅರ್ಥ ಮಾಡಿಕೊಂಡು ಕಷ್ಟಕ್ಕೆ ಮರುಗುವ, ಸಹಾಯ ಮಾಡುವ ಮನೋಭಾವದವರೇ ದೊಡ್ಡವರು. ಬಡತನ ಕಲಿಸಿದಷ್ಟು ಪಾಠ, ಯಾವ ಯುನಿವರ್ಸಿಟಿಗಳು ಕಲಿಸಿಕೊಡಲ್ಲ ಎಂಬುದು ಅಕ್ಷರಶ ಸತ್ಯ, ಅದರಂತೆ ಬಡತನದಲ್ಲಿ ಹುಟ್ಟಿ ಬೆಳೆದು ದೀನ ದಲಿತರ, ಬಡವರ, ಹಿಂದುಳಿದವರ ವರ್ಗದವರ ಶ್ರೇಯೋಭಿವೃದ್ಧಿಗೆ ತನ್ನ ಕೈಯಲ್ಲಾದಷ್ಟು ಸಹಾಯ ಮಾಡುವ, ಜಾತಿ ಬೇಧ ಎನ್ನದೇ ಸಹಕಾರ ನೀಡುವ ಶೋಷಿತ ವರ್ಗಗಳ ಹೃದಯವಂತ ಬಾಡದ ಆನಂದರಾಜು ಅವರ ಸಾಮಾಜಿಕ ಕೆಲಸಗಳೂ ನಿಜಕ್ಕೂ ಗ್ರೇಟ್ ಅನಿಸಿಬಿಡುತ್ತೆ. ಏಕಂದರೆ ಬೆಣ್ಣೆನಗರಿ ಬಸವಣ್ಣ ಅನ್ನೋ ಪದ ಎಲ್ಲರಿಗೂ ಕರೆಯೋಕೆ ಸಾಧ್ಯವಿಲ್ಲ, ಕೂಡಲಸಂಗಮ ಬಸವಣ್ಣ ಹಾಗೂ ಮುರುಘಾ ಶ್ರೀಗಳ ಮಾತುಗಳ ಪರಿಕಲ್ಪನೆಯಲ್ಲಿ ಬೆಳೆದ ಬಾಡದ ಆನಂದರಾಜ್ ನೂರಾರು ಸಮಾಜಮುಖಿ ಕೆಲಸಗಳ ಮೂಲಕ ಬಸವಣ್ಣ ಜೀವನ ಶೈಲಿ ಮುಂದುವರೆಸಿದವರು, ಬಸವ ಧರ್ಮ ಪರಿಕಲ್ಪನೆಯಲ್ಲಿ ಸರಳವಾಗಿ ವಿವಾಹವಾಗಿದ್ದು ಸಾಮಾಜಿಕ ಕಾರ್ಯಕ್ಕೆ ಹಿಡಿದ ಕೈಗನ್ನಡಿ..
*ಅಪ್ಪಟ ಸ್ನೇಹಜೀವಿ ಆನಂದರಾಜ್..*
*ನೊಂದವರ ಬಾಳಿನ ಬೆಳಕು ಕರುಣಾಮಯಿ*
ಅಷ್ಟಕ್ಕೂ ಬಾಡದ ಆನಂದರಾಜ್ ಅವರು ರಾಜಕಾರಣ ಮಾಡದೇ ದಾವಣಗೆರೆಯಲ್ಲಿ ಅತೀ ದೊಡ್ಡ ಹೆಸರುಗಳಿಸಿದ್ದು ಹೇಗೆ, ಅವ್ರು, ಮಾಡಿದ್ದಾದರು ಏನೂ ಅನ್ನೋ ಪ್ರಶ್ನೆಗಳಿದ್ದರೆ ಈ ಸ್ಟೋರಿ ಒಮ್ಮೆ ನೋಡಿ ಬಿಡಿ.. ಯೆಸ್ ಮಧ್ಯ ಕರ್ನಾಟಕದ ಕೇಂದ್ರಬಿಂದು ದಾವಣಗೆರೆ ತಾಲೂಕಿನ ಬಾಡಾ ಗ್ರಾಮದ ರಾಮಣ್ಣ ಮತ್ತು ಸಾಕಮ್ಮ ದಂಪತಿಯ ಪುತ್ರ ಆನಂದರಾಜು. ಮಧ್ಯಮ ವರ್ಗದ ಕುಟುಂಬದಲ್ಲಿ ಜನಿಸಿದರೂ ಸಾಧನೆ ಮಾಡಲು ಪಟ್ಟ ಕಷ್ಟ ಅಷ್ಟಿಷ್ಟಲ್ಲ. ಬೆಳೆಯುವ ಹಾದಿ ಹೂವಿನದ್ದಾಗಿರಲಿಲ್ಲ.
ಕಲ್ಲು ಮುಳ್ಳಿನ ಹಾದಿ ಕ್ರಮಿಸಿ ಬೆಳೆದವರು. ಎಲ್ಲರೊಟ್ಟಿಗೆ ಆತ್ಮೀಯತೆಯಿಂದ ಬೆರೆಯುವ, ನೊಂದವರ ಕಣ್ಣೀರು ಒರೆಸಲು ಶ್ರಮಿಸುವ, ಕಷ್ಟದಲ್ಲಿರುವವರಿಗೆ ಸಹಾನುಭೂತಿ ಜೊತೆಗೆ ಸ್ಪಂದಿಸುವ ಪರಿ ಅನನ್ಯ. ಮಾತ್ರವಲ್ಲ, ಎಲ್ಲರನ್ನೂ ಬ್ರದರ್ ಎಂದು ಕರೆಯುವ ಮೂಲಕ ಆತ್ಮೀಯತೆಯ ಸಾಹುಕಾರ ಅಂತಾನೇ ಪ್ರಸಿದ್ಧಿ ಹೊಂದಿದ್ದಾರೆ.
ತಂದೆ ತಾಯಿ ಮಾತಿನಂತೆ ನಡೆದವರು:
ಸರಳ, ಸಜ್ಜನಿಕೆ ಮೊದಲಿನಿಂದಲೂ ಇದೆ. ಈಗಲೂ ಇದೆ. ಸ್ನೇಹಿತರ ಪಾಲಿಗೆ ಸ್ನೇಹಜೀವಿ, ಹೋರಾಟದಿಂದಲೇ ಬೆಳೆದು ಬಂದ ಆನಂದರಾಜ್ ಅವರು ಯುವಪೀಳಿಗೆಯ ಆಶಾಕಿರಣ, ರೈತರ ಮಿತ್ರರೂ ಹೌದು. ತಂದೆ ರಾಮಣ್ಣ ಅವರು ಕೆಇಬಿಯಲ್ಲಿ ನೌಕರರಾಗಿದ್ದವರು. ಮನೆಯಲ್ಲಿ ತುಂಬು ಕುಟುಂಬ. ಬಡತನದಲ್ಲೇ ಬೆಳೆದ ಕುಟುಂಬಕ್ಕೆ ತಂದೆ ಆಸರೆಯಾದರು, ಬಳಿಕ ಈ ಕುಟುಂಬವನ್ನು ಸುಂದರವಾಗಿ ಕಟ್ಟಿ ಪೋಷಿಸುವ ಕೆಲಸ ಆನಂದರಾಜ್ ಅವರ ಹೆಗಲ ಮೇಲೆ ಬಿದ್ದಿತ್ತು, ಇದರಲ್ಲಿ ತಾಯಿ ಸಾಕಮ್ಮರ ಪಾತ್ರವೂ ಬಹಳ ದೊಡ್ಡದಿದೆ. ತಂದೆ – ತಾಯಿಯ ಮಾತಿನಂತೆ ನಡೆದುಕೊಂಡ ಆನಂದರಾಜು ಅವರು ಯಾರಿಗೂ ಕೆಟ್ಟದ್ದು ಬಯಸಿದವರಲ್ಲ. ಆದಷ್ಟು ಸಹಾಯ ಮಾಡಿದವರೇ.
