POWER SAMACHARA | KANNADA NEWS | BREKING NEWS| 30-06-2023..
ದಾವಣಗೆರೆ: ರಾಜ್ಯ ಕಾಂಗ್ರೆಸ್ ಸರ್ಕಾರ ಶಕ್ತಿ ಯೋಜನೆ ಜಾರಿ ಮಾಡಿದ್ದು, ಮಹಿಳೆಯರು ಖುಷಿ ಖುಷಿಯಾಗಿ ಬಸ್ ನಲ್ಲಿ ಫ್ರೀಯಾಗಿ ಪ್ರಯಾಣ ಮಾಡ್ತಿದ್ದಾರೆ, ಆದರೆ ಈ ಯೋಜನೆಯಿಂದ ಕೆಲವರ ಬದುಕು ಬೀದಿಗೆ ಬರುವಂತೆ ಆಗಿದೆ, ಸರ್ಕಾರಿ ಬಸ್ ಫ್ರೀ ಇರೋದರಿಂದ ದಾವಣಗೆರೆಯಲ್ಲಿ ಮಹಿಳೆಯರು ಆಟೋವನ್ನೆ ಹತ್ತುತ್ತಿಲ್ಲ, ಇದರಿಂದ ಆಟೋ ಚಾಲಕರ ಸ್ಥಿತಿ ಮೂರಾಬಟ್ಟೆಯಾಗಿದ್ದು, ಸರ್ಕಾರದ ವಿರುದ್ದ ಪ್ರತಿಭಟನೆ ನಡೆಸಲು ನಿರ್ಧಾರ ಮಾಡಿದ್ದಾರೆ…
ಪ್ರಯಾಣಿಕರಿಲ್ಲದೇ ಪರದಾಟ..
ಹೌದು.. ಆಟೋಗಳಲ್ಲಿ ಮಹಿಳೆಯರು ಪ್ರಮುಖ ಪ್ರಯಾಣಿಕರಾಗಿದ್ದರು, ದಾವಣಗೆರೆ ನಗರದ ವಿವಿಧೆಡೆ ತೆರಳಲು ಬಸ್ ಗಾಗಿ ಕಾಯದೇ ಆಟೋ ಅವಲಂಭಿಸಿದ್ದರು, ಇದ್ರಿಂದ ಆಟೋ ಚಾಲಕರ ಬದುಕು ಹಸನಾಗಿತ್ತು, ನಿತ್ಯ ಒಂದರಿಂದ ಎರಡು ಸಾವಿರ ದುಡಿಮೆ ಮಾಡ್ತಾ ಇದ್ದರು, ಆದರೆ ಶಕ್ತಿ ಯೋಜನೆಯಿಂದ ಆಟೋದವರ ದುಡಿಮೆಗೆ ಪೆಟ್ಟು ಬಿದ್ದಿದೆ, ಮಹಿಳೆಯರು, ವಿದ್ಯಾರ್ಥಿನಿಯರು ಯಾರು ಸಹ ಆಟೋದಲ್ಲಿ ಸಂಚರಿಸುತ್ತಿಲ್ಲ, ಬದಲಾಗಿ ಬಸ್ ನ್ನೆ ಅವಲಂಭಿಸುತ್ತಿದ್ದಾರೆ, ಇದರಿಂದ ಆಟೋ ಚಾಲಕರು ನಷ್ಠದ ಸುಳಿಗೆ ಸಿಲುಕುತ್ತಾ ಇದ್ದಾರೆ ಅಂತಾರೆ ಆಟೋ ಚಾಲಕರ ಸಂಘದ ಗೌರಾವಾಧ್ಯಕ್ಷ ಶ್ರೀನಿವಾಸ್..
ಜುಲೈ 3ರಂದು ಬೃಹತ್ ಪ್ರತಿಭಟನೆ..
ನಿತ್ಯ ಒಂದು ಸಾವಿರ ರೂ. ಇದ್ವಿ, ಈಗ 500 ದುಡಿಯೋದು ಕಷ್ಟ ಆಗಿದೆ, ಕೊರೊನಾ ಸಮಯದಲ್ಲೂ ದುಡಿಮೆ ಹಾಳಾಗಿತ್ತು, ಈಗ ಮತ್ತದೇ ಸಂಕಷ್ಠ ಎದುರಾಗಿದೆ, ಹೀಗೆ ಆದ್ರೆ ಆಟೋ ಮಾರಾಟ ಮಾಡಬೇಕಾಗುತ್ತದೆ, ದಾವಣಗೆರೆಯಲ್ಲಿ ಸುಮಾರು 15ರಿಂದ 16 ಸಾವಿರ ಆಟೋಗಳಿಗೆ, ಸರ್ಕಾರ ಬಡ ಆಟೋ ಚಾಲಕರ ಬಗ್ಗೆ ಕನಿಕರ ತೋರಬೇಕು, ಆಟೋ ಚಾಲಕರಿಗೆ ನಿವೇಶನ ನೀಡಬೇಕು, ಬಜೆಟ್ ನಲ್ಲಿ ವಿಶೇಷ ಪ್ಯಾಕೇಜ್ ಘೋಷಣೆ ಮಾಡಬೇಕು, ಸಿಟಿ ವ್ಯಾಪ್ತಿ ಉಚಿತ ಪ್ರಯಾಣ ರದ್ದು ಮಾಡಬೇಕು ಅಂತಾ ಆಗ್ರಹಿಸಿ ಜುಲೈ 3ರಂದು ದಾವಣಗೆರೆಯಲ್ಲಿ ಬೃಹತ್ ರ್ಯಾಲಿ ಮೂಲಕ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿದೆ ಎಂದು ಆಟೋ ಚಾಲಕರ ಸಂಘದ ಸಂಸ್ಥಾಪಕ ಅಧ್ಯಕ್ಷ ಪರಶುರಾಮ್ ಮಾಹಿತಿ ನೀಡಿದ್ದಾರೆ..
